ସ୍ବୀକାରୋକ୍ତି…

ଅନେକ ରାତିଯାଏ ଅନଲାଇନ ଥିବାଦେଖି

ଭାବିବୁନି ତୋର ଭାବନାରେ

ମୋତେ ନିଦ ହେଉନି ବୋଲି,

ମୋବାଇଲ ଡାଟା ଅପ ନକରି ଶୋଇବା

ମୋର ଅଭ୍ୟାସ ହେଲାଣି l

ତୁ ଫୋନ କଲେ ନମ୍ବର ବିଜି ଆସୁଛି ତ..?

ହଁ…… ସବୁବେଳେ ବ୍ୟସ୍ତ ରହିବା

ଏବେ କର୍ତ୍ତବ୍ୟ ହେଲାଣି l

ସବୁଦିନ ତୋର ଘର ସାମ୍ନାପଟେ

ଯିବା ଆସିବା ଦେଖି

ଭାବିବୁନି ବାଲକୋନୀ ରେ ଦେଖାଦେବୁ,

ତୋତେ ଦେଖିବାକୁ ନୁହେଁ ରେ

ଆରପାଖ ରାସ୍ତାବନ୍ଦ ବୋଲି

ତୋର ଘର ଗଳିରେ ଯିବା ଜରୁରୀ ହେଲାଣି l

ରବିବାର ସକାଳସବୁ ଥିଲା ଦିନେ ତୋ ପାଇଁ

ଏବେ ସବୁଦିନ ସକାଳ

କେବଳ ମୋ ପାଇଁ,

ପ୍ରେମ, ବିରହ କୁ ନେଇ କବିତା ଲେଖିବା

ଏବେ ପୁରୁଣା ହେଲାଣି l

ଶୁଣିଲି ଫେସବୁକ ରେ ମୋର

କବିତା ପଢୁଛୁ…?

ସବୁ କବିତା ଭିତରେ ନିଜକୁ

କାହିଁକି ଖୋଜୁଛୁ….?

ତୁ ବୋଧେ ଜାଣିନୁ,

ଗଭୀର ପ୍ରେମରେ କାହାକୁ ଭାବିବା

ମୋ ପାଇଁ ବାରଣ ହେଲାଣି l

—————–

ରତ୍ନମୟ ତ୍ରିପାଠୀ

ଅଧ୍ୟୟନ, ବଲାଙ୍ଗୀର